TUICO YATAFAKARI CHANGAMOTO KWA VIJANA ULIMWENGU WA KAZI

Katika kuadhimisha Siku ya Kimataifa ya Vijana jana Agosti 12, 2020, TUICO iliungana na Jumuiya ya Kimataifa kusherehekea siku hiyo muhimu kwa kufanya shangwe katika ofisi za Makao yake Makuu zilizopo Ilala, Dar es Salaam ambapo vijana walikuja pamoja kwa kuimba nyimbo za mshikamano na vionjo vingine ikiwa ni katika kutambua mchango wao mkubwa katika ulimwengu wa kazi duniani.

Maafisa wa TUICO wakiwa katika picha na wafanyakazi wa kiwanda cha Afri Tea and Coffee Blenders Ltd. cha Dar es Salaam. Agosti 12, 2020

TUICO, haikuishia hapo, ilipata wasaa wa kutembelea kiwanda cha Afri Tea and Coffee Blenders Ltd. kilichopo Jijini Dar es Salaam ambapo pia ilikutana na vijana ambao ni waajiriwa katika kiwanda hicho. TUICO iliwaeleza maana na umuhimu wa siku ya kimataifa ya vijana lakini pia iliwahakikishia vijana hao kuwa inatambua mchango wao katika kuleta mabadiliko ya kiulimwengu.

Maria Bange, ambaye ni Mkuu wa Idara ya Wanawake, Walemavu, Afya na Usalama TUICO Makao Makuu aliyeongoza msafara wa jana, aliwaeleza vijana kuwa katika kusherehekea siku hii kwa mwaka 2020, “TUICO Tukiungana na vyama vingine vya wafanyakazi duniani, tunahamasisha kazi zenye staha, salama na za kudumu kwa watu wote”.

Changamoto za afya na usalama mahala pa kazi na mikataba mibovu zimekuwa zikijitokeza katika maeneo mbalimbali Tanzania na ulimwenguni kote kwa ujumla. “Hivyo, siku ya vijana inatupa wakati wa kufatakari nafasi ya vijana wakiungana na vyama  vya wafanyakazi katika kupambania kazi zenye staha, salama na za kudumu kwa watu wote na haki zingine za wafanyakazi.” alisema Bi. Maria.

 


Related

Youth 6287632669152512989

Post a Comment

emo-but-icon

TUICO CAMPAIGNS TO END GBV

ABOUT TUICO

TUICO on Twitter

TUICO ON FACEBOOK

Connect Us

item
Wordpress